Сүт безі

Сүт безі – қабырғаларды қоршап жататын, кеуде бұлшықеттерінде орналасатын мүше.Әрбір сүт безі 15-20 бөліктерден тұрады. Әр бөлік көптеген бөлікшелерден тұрады. Бөлікшелер – өздерінен сүт бөле алатын, өте майда айнала орналасқан бездерден тұрады. Бөлікшелерде пайда болған сүт жіңішке түтікшелер арқылы ағып шығып, емізікшеге барады. Емізікше – кеуденің қара түсті терісі – ареоланың дәл ортасында орналасқан. Май тіні – бөліктермен түтікшелердің арасындағы бос кеңістіктерді жауап жатады.

Сүт безінде сонымен қатар лимфа тамырлары орналасады. Бұл тамырлар майда домалақ келген – лимфа түйіндеріне барады. Лимфа түйіндері топталып сүт безінің маңында орналасады, яғни, бұлшықет асты шұнқырда, бұғана үстінде, кеуде торында (сүт безінің артқы жағында), және тағы да басқа жерлерде. Лимфа түйіндері – бактерияны, рак жасушаларын, басқа да қажетсіз (улы) заттарды өзінде үстап қалады.

Аударған: Бердібек Ағабек