Бүйрек– асқазанның төменгі бөлігінде, омыртқаның екі жағында орналасатын жұп үрмебұршақ тәрізді мүше. Нақты орны - құрсақ қуысының артқы жағы болып саналады. Бүйректің көлемі жұдырыққа сай келеді. Бүйректің жоғарғы бөлігінде бүйрек үсті безі орналасады. Бүйрек және бүйрек үсті безі май тінімен және фиброзды капсуламен (Герот фасциясы) қоршалған.
Бүйрек – зәр шығару жүйесінің бір бөлігі болып саналады. Бүйректің қызметі – қандан улы заттар мен қалдық өнімдерді бөліп, зәрдің бөлініп шығуын қамтамасыз етеді. Зәр әр бүйректің орталық бос кеңістігіне жиналады. Сосын зәр бүйрек мен қуықты жалғастыратын несепағар арқылы қуыққа құйылып, қуықтан зәр шығару түтігі арқылы сыртқа шығады.
Бүйрек тек зәрді синтездейтін мүше ғана емес, сонымен қатар қан қысымын тепе-теңдікте ұстайтын және эритроциттердің түзілуіне әсер ететін химиялық заттарды да өндіреді.
Аударған: Бердібек Ағабек
Қуық– құрсақ қуысының төменгі бөлігінде орналасқан, шап тәрізді мүше. Бүйрете пайда болған сұйық қалдық – зәрдің жиналатын орны болып саналады. Әр бүйректен зәр несепағар арқылы қуыққа құюлады.
Қуықтың ішкі кілегейлі қабатын сытрқы бұлшықетті қабат қоршап жатады. Қуық толғанда бұл бұлшықеттер жиырылып, зәрдің сыртқа шығуына жағдай жасайды. Зәр қуықтан зәр шығару түтік арқылы сыртқа шығады.
