Пресбиопия (қарттық қырағылық)

Көздің қасаң қабығы мен көзбұршағы көру қабілетін айқындау процессіне қатысады. Рефракция - көздің жарықты сындыру қабілеті. Аномальды рефракция - көздің өзгерген пішіні көздің көрінетін заттарға дұрыс бағытталуына мүмкіндік бермеген кезде пайда болатын көру проблемалары. Рефракцияның себебіне көз алмасының пішіні (ұзын немесе қысқа), қасаң қабықтың пішінінің өзгеруі немесе жас өзгерістеріне байланысты көз бұршағының эластикалығының өзгеруі және назар аударуға жауап беретін кірпікті бұлшықеттердің әлсіреуі жатады.

Себептері

Организм қартайған сайын көздің жанары өзгерістерге ұшырайды: ол қалыңданады және өзінің эластикалық қасиетін жоғалтады. Көзбұршақтың эластикалық қабілеті кескінге назар аударуды қамтамасыз етеді. Бұл мүмкіндіктің жоғалуы көру қабілетінің нашарлануына әкеледі, нәтижесінде қарттық қырағылық - пресбиопияның дамуымен көрінеді.

Әдетте мұндай жағдай 45 жастан кейін орын алады.

Симптомдары

• Жақын объектілерді көруде және ұсақ шрифтілерді оқу кезінде көру қабілетінің төмендеуі
• Әлсіз жарықтандыру кезінде көру қабілетінің төмендеуі
• Көзге артық күш түсуі
• Бас ауруы

Диагностикасы

Пресбиопия көруді және рефракцияны (көздің жарықты сындыру қабілеті) тексеру кезінде көз дәрігерімен диагностикаланады.

Емі

Көздің көру қабілетінің бұзылу дәрежесіне қарай көзілдірік қажет болуы мүмкін. Қазіргі таңда көруді түзету үшін бірқатар хирургиялық және лазерлік әдістер ойлап табылды. Дәрігер көру қабілетіңізді түзетуге көмектесетін және асқыну тудырмайтын жағдайда операция жасауға кеңес береді.

Болжамы

Көру қабілетін көзілдірік немесе линза көмегімен түзетуге болады.

Болжамды асқынулары

Егер көру қабілеті түзетілмесе, көру қабілетінің әлсіздігі күшейіп, көлік жүргізу, оқу, жұмыс және басқа да күнделікті жағдайлар кезінде қиындық тудырады.

Дәрігерге қашан қаралу керек

Көру қабілетіңіздің нашарлағанын сезінген сәтте офтальмологқа (көз дәрігеріне) жүгініңіз.

Профилактикасы

Пресбиопияның алдын алу шаралары жоқ

Аударған: Дүйсенова Жаңылсын Бекқалиқызы